U morën të pandehur/ Prokuroria, drejtorit Veliu: Pezulloni pesë policët e Himarës

Prokuroria e Vlorës, i kërkon kryepolicit Ardi Veliu pezullimin e 5 punonjësve të komisariatit Himarë, pasi gjatë hetimeve është provuar se ata janë personat përgjegjës, që nuk kanë marë masa parandaluese për kultimivimin e një parcele, me 6790 rrënjë Canabis Stativa.

Sasia e drogës u evidetua në muajin tetor 2020, ku në këtë periudhë Drejtori i Përgjithshëm i Policisë së Shtetit, Ardi Veliu, vendosi masa disiplinore dhe pezullimin nga detyra të 22 punonjësve të policisë së qarkut Vlorë.

Por 5 muaj pas zbulimit të parcelës me drogë në Himarë dhe masave administrative të Veliut, prokuroria e Vlorës tashmë i ka kërkuar kryepolicit të pezullojë punonjësit, Artur Veshaj, nën/komisar, përgjegjësi i krimeve pranë komisariatit të Himarës, Ilir Kadëna nën/komisar specialist për krimet në komisariatin e Himarës, Isa Jaçaj, specialist krimesh në komisariatin e Himarës, David Fakaj oficer patrulle në Himarë dhe Arjan Tase shef i komisariatit të Himarës.

Në dokumentin që zotëron “Ora News”, dokument që i është dërguar Ardi Veliut dhe Drejtorit të Policisë Vlorë, Artjon Duka thuhet se:
”…në kuadër të procedimit penal Nr. 956, ju bëjmë me dije se prokuroria Vlorë në 6 prill 2021, ka marrë në cilësinë e personit të pandehur disa punonjës policie, duke kryer njoftimin e akuzave përkatëse të “Shpërdorimit të detyrës”…”.

Më poshtë, evidentohet edhe fakti se prokuroria gjatë hetimeve të kryera nuk ka provuar përgjegjësinë penale për punonjësin e policisë Alem Llanaj, që ka pasur si detyrë drejtgimin e dronit të policisë, më të cilin monitorohet nga qielli parcelat e drogës.

Sipas dosjes së Prokurorisë së Vlorës që tashmë ka mbërritur në gjykatë me 55 të pandehur, gjatë këtij operacioni janë zbuluar 12.144 bimë narkotike cannabis sativa, të kultivuara në territorin e Njësisë Administrative Horë Vranisht dhe Bashkia Himarë.

Kjo sasi droge është asgjësuar në 12 episode të kultivimit të bimëve narkotike dhe 32 kordinata gjeografike, në të cilat janë kultivuar bimë narkotike “cannabis sativa”.

Gjatë operacionit është gjendur dhe sekuestruar 120 kg drogë e tharë, në territorin e Njësisë Administrative Horë, Vranisht, Himarë, fshatrat Kuç, Tërbaç, Kallarat dhe Vranisht, si dhe 1 episod në në vendin e quajtur “Përroi i pishqeve”, ndodhur në fshatin Gjorm.