Gjykata e Sarandës ka lënë të lirë një 33-vjeccar nga Arabia Saudite. Shtetasi me inicialet A. L., Ai u kap disa ditë më parë nga policia e Sarandës, pasi në dhomën e hotelit te tij u gjetën 3.3 gram hashash dhe 0.4 gram kokaine. “Kam ardhur me pushime ne Sarande së bashku me tre shokët.
Pasi na ka shoqëruar ne hotel, policia na ka kërkuar dokumentet e identifikimit të cilat nuk i kemi patur për momentin. Ne këto kushte, policia na ka shoqëruar për në dhomën tone për të marrë pasaportat. Lënda e gjetur nga policia është imja dhe e kam për përdorim vetjak. Lëndën narkotike e kam blerë thjesht për përdorim vetjak dhe e mbaja në dhomën e hotelit. Është hera e pare qe vij me pushime në Sarandë dhe nuk e di me saktësi vendin se ku i kam blere lëndët narkotike kannabis sativa e kokainë, i kam blerë në rrugë, personin nuk e njoh. Lenden narkotike cannabis sativa dhe kokainë i kam blerë në shumën 1200 lekë të reja”-, është shprehur arabi gjate hetimeve paraprake.
Gjykata e Sarandës ka vendosur ndaj tij masen e sigurimit “garanci pasurore 1 milion leke” dhe “detyrimi për t’u paraqitur në policinë gjyqësore, një herë në muaj, ditën e hënë, të javës së parë, ora 10:00”. Gjate ketij sezoni turistik, shtetas te ndryshem rezultuan problematike me ligjin per policine e Sarandes. Te arrestuarit kane qene suedez, lituanez, arab, turk dhe nga Sri Lanka. Zakonisht ata janë akuzuar per sasi teper te vogla droge, dhune ne familje, falsifikime e moskallëzim krimi.
Discussion about this post