Disa javë pasi e morën pushtetin në Afganistan, talebanët kanë kërkuar që t’u drejtohen liderëve botërorë me një fjalim në Asamblenë e Përgjithshme të OKB-së e cila po i zhvillon punimet vjetore këtë javë në Nju Jork.
Disa javë pasi e morën pushtetin në Afganistan, talebanët kanë kërkuar që t’u drejtohen liderëve botërorë me një fjalim në Asamblenë e Përgjithshme të OKB-së e cila po i zhvillon punimet vjetore këtë javë në Nju Jork. Kërkesa e talebanëve është konfirmuar nga Stephane Dujarric, zëdhënës i Sekretarit të Përgjithshëm të OKB-së. Përveç kërkesës për pjesëmarrje në mbledhjen vjetore të OKB -së, në letër thuhej se talebanët po nominonin një përfaqësues të ri të përhershëm në OKB, Mohammad Suhail Shaheen, zëdhënës i talibanëve gjatë negociatave të paqes në Katar.
Ende nuk dihet se si do të vendos për kërkesën e talebanëve një panel i OKB-së që merret me këto çështje, pjesë e të cilit janë edhe Shtetet e Bashkuara.
SHBA-ja tashmë është në dijeni të kërkesës së talebanëve, thanë zyrtarë të lartë të Departamentit të Shtetit.
Letra e talebanëve drejtuar Guterres tha se ish -presidenti afgan, Ashraf Ghani ishte “rrëzuar” që nga 15 gushti dhe se vendet në të gjithë botën “nuk e njohin më atë si president”. Prandaj ambasadori aktual i akredituar afgan, Ghulam Isaczai, nuk e përfaqëson më Afganistanin.
Përpjekja e talebanëve tregohen edhe njëherë përpjekjet e grupit për të siguruar njohje ndërkombëtare, të cilët deri tani e kanë të kushtëzuar me mbrojtjen e lirive dhe të drejtave të njeriut.
Afganistani pritet të mbajë fjalimin e fundit në ditën e fundit të takimit të Asamblesë së Përgjithshme të OKB -së më 27 shtator.
Discussion about this post