Tabaku del kundër Bashës/“Berisha anëtar i përjetshëm i Këshillit Kombëtar të PD”

Nënkryetarja e Partisë Demokratike, Jorida Tabaku, ka folur për zhvillimet e fundit politike në PD.

Tabaku ka deklaruar se ish-kryeministri Sali Berisha është anëtar i përjetshëm i Këshillit Kombëtar të Partisë Demokratike.

Ajo ka thënë se përjashtimi i tij ishte një situatë emocionale, ndërkohë që ka theksuar se qëllimi i përbashkët është largimi i kryeministrit Edi Rama.

Berisha është anëtar i përjetshëm i Këshillit Kombëtar të Partisë Demokratike. Është situatë emocionale, pasi bëhet fjalë për Berishën, i cili ka lidhje të ngushtë me PD-në. Debati e forcon Partinë Demokratike. Qëllimi i përbashkët është largimi i Edi Ramës “, ka thënë Tabaku në Abc News.

“Për vendimin që u mor, të siguroj që është bërë maksimumi që kjo të mos ishte kjo zgjidhja përfundimtare”, ka shtuar më tej Tabaku.