Sulmet e 11 shtatorit/ Rama: Do të mbetet një ditë kujtese dhe vetëdijeje për vlerat e paçmueshme të lirisë e të demokracisë

Kryeministri Edi Rama, në një mesazh që përkujton sulmet e 11 shtatorit dy dekada më parë në SHBA, thotë se ajo datë “do të mbetet një ditë kujtese dhe vetëdijeje e botës demokratike për vlerat e paçmueshme të lirisë e të demokracisë”.

“11 shtatori hyri në histori si dita e zezë e sulmit të egër të urrejtjes barbare kundër qytetërimit tonë, duke goditur mizorisht simbolin e tij, Amerikën, mu në zemrën e saj”, shkruan Rama.

POSTIMI I PLOTE I EDI RAMA:

20 vjet më parë, 11 shtatori hyri në histori si dita e zezë e sulmit të egër të urrejtjes barbare kundër qytetërimit tonë, duke goditur mizorisht simbolin e tij, Amerikën, mu në zemrën e saj. Sot e përgjithmonë, 11 shtatori do të mbetet një ditë kujtese dhe vetëdijeje e botës demokratike për vlerat e paçmueshme të lirisë e të demokracisë.
#GodBlessAmerica🇺🇸