Rritet numri i të shtruarve të infektuar , Hapet ‘Covid 3’, Manastirliu: Kemi riaktivizuar planin e përballimit të situates.

Ministrja e Shëndetësisë, Ogerta Manastirliu ka reaguar për herë të parë për hapjen e spitalit Covid-3.

Manastirliu thotë se është riaktivizuar plani për përballimin e situatës për t’iu përgjigjur fluksit në spitale.

Ajo thekson se synimi tashmë është frenimi i përhapjes së pandemisë në vend dhe për të lehtësuar pasojat.

Ministrja Ogerta Manastirliu ka bërë me dije se Ministria e Shëndetësisë do të vendosë në dispozicion dhe spitalin Covid 4 në rast nevoje, si dhe do të aktivizohet skenari i spitaleve rajonale.

STATUSI NGA OGERTA MANASTIRLIU :

👩🏻‍⚕️👨‍⚕️Forca ekipit të Spitalit #Covid3️⃣ në shërbim në këto momente, i hapur për të përballuar shtimin e rasteve të qytetarëve të prekur nga #Covid19, që kanë nevojë për trajtim spitalor.

👉🏼 Kemi riaktivizuar planin e përballimit të situatës, për t’iu përgjigjur fluksit në spitale, me përforcimin e ekipeve mjekësore, sigurimin e barnave dhe materialeve mjekësore dhe aparaturat jetëshpëtuese, por është #thelbësor vaksinimi masiv, për të frenuar përhapjen e epidemisë në vend dhe lehtësuar pasojat e saj.