Ish efektivi i RENEA-s Remal Rada që u kap me snajper dhe Elton Hithi vijojnë të refuzuar në polici marjen e profileve të ADN-së, gjë e cila do çonte policinë në krahasimin e tyre me profile të tjera AND-je të gjetura në krime të ndryshme.
Ata po bëjnë rezistencë dhe duket se i tremben zbulimit të ndonjë të vërtete tronditëse.
Refuzimi i tyre ka ngritur dyshime të forta se Remal Rada mund të ketë marrë pjesë në ngjarje kriminale, për llogari të grupeve kriminale.
Kujtojmë që Kastriot Reçi u vra me snajper para lokalit të tij në Rrëshen. Autori ka lënë gjurmë, por nuk u zbulua kurrë.
Gjashtë muaj më pas është qëlluar me snajper Ardian Çapja në Elbasan, të cilin plumbi e kapi pranë zemrës. Ardian Çapja i shpëtoi për pak ekzekutimit.
Dyshohet se ka qëlluar e njëjta dorë. A është Remal Rada autori? Ende nuk ka prova, por fakti që Rada po fsheh të vërtetën dhe refuzon ADN-në, krijon dyshime të forta.
Ndërsa një informacion tjetër i mbëritur nga burimet e policisë është se Remal Rada dhe Elton Hithi, mereshin me tregtinë e armëve. Duke u shitur anëtarëve të grupeve kriminale armatim të kalibrave të ndryshëm.
Të dyja këto informacione janë në verifikim e sipër nga policia kriminale.
Ndërsa hetimet për dy personat e arrestuar po zhvillohen për akuzën e “Mbajtjes pa lejë të armëve dhe municioneve luftarake” kryer në bashkëpunim. “Mbajtjes të armëve të ftohta”, dhe “Mbajtjes apo përdorimit të simboleve dhe shenjave dalluese të Policisë së Shtetit”.
Elton Hithit dhe Remal Radës, policia i sekuestroi një snajper, municion përkatës të armës, pistoletë “Glock”, dhjetëra municione dhe sende të tjera të paligjshme.
Të gjitha armët mbaheshin, në dy shtëpi në Tiranë që përdoreshin nga Remal Rada dhe persona të tjerë. Ndërsa në makinën e tij tip Benz-Mercedes me targa angleze, policia sekuestroi dhe një snajper e municione.
I rëndë është edhe fakti që Greta Dervishaj, gruaja e Remal Radës, është agjente në Policinë e Tiranës. Ajo punon në polici, ndërsa shtëpinë e kishte të mbushur me armë nga burri i saj.
Discussion about this post