Komisioni i Pavarur i Kualifikimit, që është shkalla e parë e vettingut në Drejtësi, po vepron si bandë me lista të zeza eleminimi gjyqtarësh e prokurorësh dhe lista çeqesh, kleringjesh e qoka pushteti, për të mos shkarkuar ata që fshehin krimet e klaneve politike dhe mafies së lidhur me to.
Tre batakçinj të KPK së Vettingut, janë Olsi Komiçi, Xhensila Pine e Firdes Shuli, të 3 me kartona si juristë, por ‘nul’ në lëndët e së Drejtës, të cilët kanë punuar në poste shtetërore për pronat, sigurimet, pastrim i parave, noterë e avokatë, ku janë bërë milionerë e “ustallarë” pazaresh të pista.
Ndërsa në qershor 2017, nëpërmjet qarqeve të larta të politikës, bizneseve e botës së krimit e me letra false, u katapultuan në Komisionin e Vettingut, ku prej afro 6 vitesh, me vendimet e tyre klienteliste kanë shkatërruar strukturën e Drejtësisë së këtij vendi.
Paçka se të paaftë profesionalisht, me nota universitare e diplomimi deri në 6, këta janë vlerësuesit e aftësive profesionale të gjyqtarëve e prokurorëve, ku 80% e të shkarkuarve prej tyre janë me arsim shumë të mirë universitar, me përvojë 15-25 vjeçare si gjyqtarë e prokurorë dhe me kualifikime ekselente nga agjenci të njohura të jurisprudencës në SHBA-BE.
Gjatë 6 viteve komisionerë, tre batakçinjtë me profile të zeza penale e dallkaukë profesional, Olsi Komiçi, Xhensila Pine e Firdes Shuli, kanë shkarkuar 132 prokurorë e gjyqtarë që nuk janë pjesë e klaneve mafioze politike, oligarkisë e trafiqeve, me relacione false për gjoja paaftësi, pasuri të pajustifikuara, mungesë integriteti e fshehje të dhënash personale.
Ndërkohë që p.sh., komisioneri Olsi Komiçi, në vitet 2005-2013 gjatë pushtetit të PD, është kallëzuar 18 herë, është hetuar 13 herë dhe është gjykuar 1 herë me masën “Shoqërim i pandehur”, me Vendim Nr 728, datë datë 07.05.2010 të Gjykatës Tiranë.
Sepse Olsi Komiçi, ose “komiti i ryshfetit nga Librazhdi”, siç e njohin, kur ishte shef juridik e Kryetar i Komitetit të Pronave me PD, drejtues në hipotekën qendrore në disa rrethe dhe Zv/drejtor i ALUIZNI me Artan Lamen, ka kryer krime ekonomiko- financiare me objekt grabitje pronash, njohje pronash me dosje false, falsifikime e zhdukje dokumentesh, por edhe me mbi 1000 prona, kur ishte Zv/kryetar i Taskë Forcës së tokave Vlorë-Sarandë në Kryeministri.
Po kështu, Olsi Komiçi është akoma nën hetim nga SPAK, për fshehje e falsifikim të dhënash personale, me akuzën se nuk ka deklaruar procedimet dhe gjykimin penal për korrupsion, si dhe për mashtrim me të dhënat e arsimimit, kur aplikoi për anëtar në Komisionin e Vettingut.
Vetëm gjatë periudhës maj 2016-maj 2017 kur ishte avokat, Olsi Komiçi është denoncuar e kallëzuar për 20 raste mashtrimi e pazare me gjyqtarë dhe prokurorë, të cilët kur u bë komisioner vettingu, nuk i shkarkoi megjithëse kanë pasuri të shumta me burime nga bota e krimit.
Edhe komisionerja Xhensila Pine, si relatore e anëtare e vettingut, ka firmosur 117 vendime shkarkimi gjyqtarësh e prokurorësh, me prova të sajuara për pasuri të pajustifikuara, të fshehura dhe për paaftësi e mungesë integriteti.
Kur për vete, “pini i parave të zeza” Xhensila Pine është akoma në proces hetimi nga SPAK, për fshehjen e afro 2 milionë Euro pasuri dhe mos-deklarim pallati 5 kate në qender të Tiranës, për të cilin ka prova se e ka ndërtuar mbi truall të grabitur nga shteti me letra false.
Por SPAK, ka edhe indicie se Xhensila Pine e Argita Berishës dhe e Linda Ramës, këtë pallat e ka ndërtuar me financa të marra nga grupet kriminale, gjatë viteve 2006-2007 në pushtetin e PD kur ishte Shefe Sektori Juridik në Drejtorinë e Parandalim-Pastrimit të Parave, dhe gjatë viteve 2011-2014 kur ishte shefe juridike e drejtore në kompaninë shtetërore “Bursa e Tiranës- Sh.A”.
Po edhe nga çeqet që u merrte studentëve në 5 universitete kioska të llojit “Kristal”, ku ishte krye-sekserja e pronarëve dhe rektorëve, për shitje diploma juristësh, si dhe gjatë viteve kur ishte shefe juridike e disa kompanive të sigurimeve, ku ka denoncime të shumta në prokurori, për falsifikime dosjesh për djegie makinash, banesash, biznesesh e kompensime viktimash.
“Monstra” tjetër e vettingut, ose “Nepërka” siç e quajnë, është Firdes Shuli, e cila e ka filluar karrierën në vitin 1998 si gjyqtare e Kryetare e Gjykatës Gjirokastër, kur kundrejt çantave me Dhrahmi Greke, liroi përdhunues e vrasës oficerësh dhe qytetarësh gjatë vitit 1997, duke shënuar në dosje sikur ishin paraqitur në gjykime, kur ata ishin fshehur në Greqi.
Ajo thotë, se është diplomuar “Juriste” në vitin 1998, por paska marrë licencën “Notere” më 1996, kur ishte në vitin e parë të Fakultetit Juridik; por edhe si notere, ka shumë kallëzime penale e është nën hetim për falsifikime dosjesh pronësore, kapitalesh, trafikim fëmijësh me birësime me atësi e amësi false dhe transferta financiare e grabitje banesash me certifikata false.
Treshja Olsi Komici, Xhensila Pine e Firdes Shuli, prej 6 vitesh bëjnë vettingun e gjyqtarëve e prokurorëve, megjithëse janë ish-studentë të nivelit të fundit, “dru me pre” profesionalisht, me dosje penale, me pasuri nga burime kriminale, ndër to dhe ryshfete nga prokurorë e gjyqtarë që nuk i kanë shkarkuar./Pamfleti
Discussion about this post