Për një shpullë për pak i kushtoi jetën Edison Begajt/ Makina e autorit përfundoi në kanal pas ngjarjes , ja çfare u gjet

Zbardhen detaje të reja nga atentati që iu bë pak muaj më parë Edison Begajt, në Kaninë të Vlorës, teksa policia arrestoi sot autorin, juristin Mitri Prifti. Shkak për këtë atentat është bërë një shpullë që shënjestra i ka dhënë autorit 36-vjeçar kohë më parë.

Siç duket, kjo gjë nuk është lënë me aq nga Prifti, i cili ka siguruar një uniformë policie nga ato të Forcave Speciale, që përfshin dhe pjesët plastike, dhe ka shkuar në derën e banesës së Begajt, duke e qëlluar disa herë në sy të fëmijëve, në pjesën e poshtme të trupit. Fatmirësisht, Begaj arriti të shpëtojë, duke marrë vetëm disa plagë.

Nga ana e tij, autori gjatë largimit me mjetin tip “Mercedes Benz” është aksidentuar në Lushnjë dhe makina ka rënë në një kanal, ku brenda saj janë gjetur rrobat e përdorura në atentat.

Fillimisht i plagosuri nuk ka arritur ta njohë autorin, për shkak të veshjes së përdorur, e cila ndryshonte dhe format trupore, për shkak të plastikave. Ka qenë policia ajo që ka gjetur prova të mjaftueshme më pas për identifikim dhe arrestimin e autorit.