Mori dy herë në shtëpi nxënësin 15-vjeçar e kreu marrëdhënie, mësuesja: Mosha është vetëm një numër

Një mësuese asistente, e cila akuzohet se ka kryer dy herë marrëdhënie me një nxënës shkolle, ka thënë se “mosha është vetëm një numër”.

Rebecca Williams nga Criccieth, Gwynedd, është arrestuar dhe ka përfunduar në burg. 21-vjeçarja që ishte në kontakt me nxënësin përmes internetit dhe gjykata në Mold i kishte cilësuar mesazhet mes tyre si flirtuese.

Sipas avokatit të procedimit, Richard Edwards, Williams e kishte marrë 15-vjeçarin në makinën e saj dhe më pas e kishte dërguar në shtëpi.

“Ata panë televizion përpara se e pandehura ta çonte në dhomën e saj të gjumit. Adoleshenti e ka përshkruar herën e parë si pak të sikletshme. Janë puthur dhe më pas bënë seks. Djali ka qëndruar atje gjatë natës”, ka zbuluar avokati.

Williams nuk e kishte lënë me kaq, pasi i kishte dërguar edhe më vonë mesazh që të takoheshin përsëri. Pas herës së dytë, mësuesja asistente e kishte kërkuar sërish nxënësin, por ky i fundit i kishte bllokuar mesazhet.

“Në mesin e stafit filluan që të qarkullonin thashetheme se një mësuese kishte fjetur me një nxënës. Drejtori i shkollës e kishte pyetur të pandehurën dhe kishte mohuar se kishte ndodhur ndonjë gjë e pakëndshme”, ka shtuar avokati.

Për këtë arsye, shërbimet sociale dhe policia janë alarmuar. Adoleshenti ka konfirmuar se kishte kryer dy herë marrëdhënie. Nga ana tjetër, prokurori ka deklaruar se disa nga mesazhet mes tyre janë shkëmbyer në ambientet e shkollës.