Kryeministri Edi Rama në një prononcim për mediat pas përfundimit të seancës plenare është shprehur se emërimi në krye të parlamentit të Lindita Nikollës është një lajm shumë i mirë.
“Ka në krye një grua të të respektuar nga të gjithë dhe patjetër edhe një politikane që asnjëherë nuk i ka fryrë zjarrit të konfliktit. Është një lajm i mirë. Është një moment i mirë”- tha ai.
Lidhur me gjestin e Partisë Demokratike për grisjen e fletëve të votimit, Rama tha se ishte një gjest instiktiv nga ana e deputetëve të Partisë Demokratike.
Ndër të tjera Edi Rama u ndal dhe te akuzat e ngritura nga kryedemokrati Lulzim Basha ndaj tij.
Ai tha se nuk i ka dëgjuar akuzat dhe nuk preferoi të jepte asnjë prononcim në këtë drejtim, ndërsa shtoi se çfarëdo deklarate është e mirëkuptueshme në një ditë kaq të vështirë për PD.
“Mos e besoni sepse skam prova për këtë. Por skam dëgjuar asgjë, përveç atyre që janë të mirëkuptueshme në një ditë si kjo që s’është e lehtë për PD dhe është një proces traumatik, kështu që duhet të kemi durim, e respekt për traumat e të tjerëve”, tha Rama.
Discussion about this post