Lajm i rëndë: Vritet Astrit Ademaj, kandidati për kryetar të Pejës nga PDK, Si ndodhi vrasja, dyshimet e para

Një ngjarje e rëndë ka ndodhur këtë mbrëmje në qytetin e Pejës.

Si pasojë e të shtënave me armë zjarri, dy persona kanë mbetur të vdekur dhe një tjetër është plagosur.

Sipas policisë ngjarja ka ndodhur rreth orës 20:20, afër Shkollës Ekonomike “Ali Hadri” në Pejë. Një nga personat që ka mbetur i vdekur është Astrit Ademaj, kandidati për kryetar të komunës së Pejës nga Partia Demokratike e Kosovës (PDK), si dhe zyrtari i kësaj partie, Blerand Kadriaj.
Njësitet e policisë kanë dalë në vendin e ngjarjes dhe po merren me rastin.

Të tjera detaje të reja dalin dritë në lidhje me krimin që tronditi mbrëmjen e sotme Pejën.

Të vrarë mbetën kandidati për kryetar të Pejës nga PDK, Astrit Ademaj dhe ish-kandidati nga po kjo parti për kryetar të Deçanit, Blerand Kadriaj.

Dy viktimat dyshohet se kanë qenë në një lokal dhe për një moment kanë sulmuar njëri-tjetrin. Dyshohet se Ademaj e Kadriaj kanë hapur zjarr ndaj njëri-tjetrit, duke mbetur të vrarë.

I plagosur nga të shtënat e armëve ka mbetur vëllai i Astrit Ademajt, Avniu.

pamje nga vendi i ngjarjes