Profil sharlatani/ Kundrejt pagesës 2000 USD, “Ido Manekuta” dërgonte 30 persona çdo 3 muaj, duke u garantuar se do punonin në sektorin e naftës e turizëm në Libi me pagë 7000 USD e do bënin jetë qejfi. Por përfundonin në një bazë sekrete në Tripoli, që kontrollohej nga djali i Muammar Gadafit, të cilët i përdornin shqiptarët në aktivitetin e kontrabandës së naftës dhe trafikut armëve, femrave e drogës në Qipro, Greqi, Egjipt, Itali, Turqi, Spanjë
Si për ironi të fatit, në një emision televiziv që gjurmon njerëzit e humbur, shfaqet shpesh avokati Idajet Beqiri, i cili hiqet si ekspert dedektiv që jep “ide e kontribut” për gjetjen e tyre.
Por vetë Idajet Beqiri, ish-Kryetari i Gjykatës së Krujës gjatë diktaturës, që më 30 prill 1986 u arrestua dhe u burgos për mashtrim e falsifikim vendimesh, ka shumë mëkate për trafikim njerëzish me pagesë e zhdukje të tyre atje ku i dërgonte.
Historia e trafikimeve njerëzore prej tij fillon kështu: Në mars 1991, Sigurimi i Shtetit që e kishte spiun me nofkën “Ido Manekuta”, e futi në lojë si Kryetar të Partisë së Unitetit Kombëtar.
Me këtë partiçkë, ku anëtare, zv/kryetare e sekretare kishte vetëm gruan e tij, Idajet Beqiri filloi trafikun e vizave, të cilat i ecën në disa raste, por ambasadat e bllokuan dhe sipas raporteve policore, rezultoi se kishte mashtruar 1300 persona, ndër të cilët mbi 400 për viza amerikane.
Në atë raport, që edhe sot është në arkivën e policisë e prokurorisë, thuhet se në vitet 1992-1997, Idajet Beqiri, nëpërmjet Partisë së Unitetit Kombëtar ka trafikur shumë njerëz drejt Libisë, nëpërmjet një rrjeti kriminal Shqipëri- Greqi- Itali, që kishte akses në detin Mesdhe, duke i dërguar si “skllevër trafiqesh” në Libi, kundrejt çeqeve që paguheshin te gruaja e tij, të cilës i kishte vendosur një truproje të quajtur Aleksandër, nga Kalivaçi i Tepelenës.
Kundrejt vlerës 2000 USD, “Ido Manekuta” i dërgonte me grupe nga 30 veta çdo 3 muaj, duke u garantuar se do punonin në sektorin e naftës e turizmit me pagë 7000 USD e do bënin jetë qejfi.
Por ata përfundonin në një bazë sekrete në Tripoli, që kontrollohej nga djali i Muammar Gadafit, të cilët i përdornin shqiptarët në aktivitetin e kontrabandës së naftës dhe trafikut armëve, femrave e drogës në Qipro, Greqi, Egjipt, Itali, Turqi, Spanjë.
Të trafikuarit nga Idajet Beqiri, ishin fakira nga fshatrat e rretheve Fier, Ballsh, Tepelenë, Vlorë, por edhe shumë emigrantë në Greqi, që nxiteshin nga familjarët e tyre në Shqipëri, me mashtrimin se partia e Idos kishte kontrata shtetërore pune me Libinë.
Pasi arrinin në bazat e Gadafit në Libi, atyre u shkëputej komunikimi me familjet, kërcënoheshin dhe detyroheshin të shërbenin si skllevër nëpër anijet e kontrabandës së naftës, për trafikimin e femrave, drogës, armëve e çdo lloj pune të pisët.
Këtë krim të Idajet Beqirit e kanë denoncuar shumë viktima të tij, madje publikisht e në prokurori, ai është kallëzuar edhe nga emigranti Arben Llalla, i cili është kërcënuar të heshtë.
Dy fakte dihen deri tani: ata që arritën të shkëputeshin nga rrjeta e mafies shtetërore libiane të familjes e grupeve mafioze të Gadafit, kanë thënë se ishin mashtruar nga Idajet Beqiri, ndërsa 35 prej të trafikuarve prej tij në Libi, janë zhdukur e nuk gjenden prej 27 vitesh.
Ndërsa trafikanti Idajet Beqiri, bashkë me gruan e tij bashkëpunëtore, tani janë “avokat kontribues humanist”, në emisionin televiziv që kërkon njerëz të trafikuar e të zhdukur.
Edhe rrahja e Idajet Beqirit nga Izet Haxhia e Sali Lushaj në janar 1998, nuk ishte për motive politike, por për shkak se Idajeti u ishte futur në pjesën e trafikimit të vizave për në Gjermani, Zvicër, Holandë e Belgjikë.
Nëse “Ido Manekuta” Idaejt Beqiri ka ndonjë ankesë, mund të jap sqarime, se si duke u fshehur pas emrit të rremë “Alban Vjosa- komisar i UÇK”, mashtroi e i zhvati 400 mijë dollarë kosovarit T.V nga Drenica, emigrant në Kanada. Kaq për sot! /Pamfleti
Discussion about this post