I shpallur në kërkim ndërkombtar për trafikim narkotikësh, arrestohet 48-vjeçari në Lezhë, I dënuar në Itali

Policia e Lezhës, në bashkëpunim me Fast Albania dhe Interpol Tirana kanë vënë sot në pranga një 48-vjeçar që ishte në kërkim ndërkombëtare. Mësohet se i arrestuari është Edmond Sufja, banues në Lezhë.

Sufja është vënë në pranga provizorisht me qëllim ekstradimin drejt Italisë pasi ishte shpallur ne kërkim ndërkombëtar për organizatë kriminale me qëllim trafikimin e lëndëve narkotike.

48-vjeçarin, Gjykata e Milanos ka dënuar me 18 vite burg. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.

NJOFTIMI NGA POLICIA

Vijojnë operacionet nga Policia e Lezhës, për kapjen e personave të shpallur në kërkim ndërkombëtar.

Vihet në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 18 vite  burgim, për vepren penale “Organizate kriminale, me qëllim trafikimin e lëndëve narkotike”.

Arrestimi provizor i tij u bë në bashkëpunim me Fast Albania dhe Interpol Tirana, me qëllim ekstradimi drejt Italisë.

Strukturat e Drejtorisë Vendore të Policisë Lezhë, në bashkëpunim me Fast Albania dhe me Interpol Tirana, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit:

Edmond Sufja, 48 vjeç, banues në Lezhë.

Ky shtetas ishte shpallur ne kërkim ndërkombëtar,  pasi Gjykata e Milanos/ Itali e ka dënuar me 18 vite burg  për veprën penale “Organizatë  kriminale, më qëllim trafikimin e lëndëve narkotike” parashikuar nga Kodi Penal italian.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.