Përleshje për të vjedhur paratë publike me tendera korruptivë në Vlorë. Dritan Leli shporr ushtarin e Gjiknurit në krye të ujësjellësit, por drejtori Shkëlqim Leskaj refuzon largimin dhe qëndron në zyrë me dhunë prej 4 ditësh. Kishte bërë gati letrat për vjedhjen e radhës. Gjiknuri ia ‘vodhi’ Leskajn Metës dhe Monikës. Policia nuk e dëbon nga zyra prej frikës së Bablokut. SPAK bën sehir
Sot duhet të ishin të pandehur në SPAK, por në kushtet kur ende në Shqipëri nuk ka drejtësi, Damian Gjiknuri dhe Dritan Leli janë përfshirë në një konflikt të egër për tenderat korrutivë të ujësjellësit të Vlorës. U duk sikur ishte Dritan Leli, por tashmë rezulton qartë se është Damian Gjiknuri, njeriu që vijon të ndajë paratë ujësjellësit me Bashkim Ulajn dhe oligarkët e tjerë.
Çfarë ka ndodhur më të vërtetë?
Damian Gjiknuri ka rekrutuar një hajdut të Ilir Metës, me emrin Shkëlqim Leskajn, duke e vendosur në krye të ujësjellësit të Vlorës, për të ndarë para publike me shokët e tij. Këtë lëvizje, Gjiknuri e ka bërë para se Edi Rama të shpallte ‘non grata’ Dritan Lelin, i cili refuzoi zbatimin e urdhrave dhe marrëzive të Bablokut.
Në qershor të këtij viti, Gjiknuri dhe Shkëlqim Leskaj realizuan një aferë flagrante, duke diktuar fituesin e dy tenderave me vlerë 10 miliardë lekë. E kush mund t’i merrte tjetër përveçse ortaku i Gjiknurit, oligarku Bashkim Ulaj, i cili i shpëtoi drejtësisë edhe pse u kap duke vjedhur 32 milionë euro me Damian Gjiknurin, me letra false, me anë të kompanisë DH Albania, të cilën e kishin maskuar me emrin e çunakut Avdjol Dobi. Duke e parë vetën jashtë loje, Leli ka kërkuar shporrjen e ushtarit të Gjiknurit, Shkëlqim Leskaj. Ky i fundit ka bërë rezistencë, ndaj konflikti ka shkuar deri në konfrontim fizik.
Në një kohë kur Leskaj dhe Gjiknuri po bënin dorën e radhës me tendera korruptivë, Leli e ka shkarkuar me urgjencë Leskajn. Megjithatë, për katër ditë me radhë, Leskaj ka refuzuar që të dilte nga zyra si drejtor u ujësjellësit. Ditën e sotme, në zyrën e ushtarit të Gjiknurit kanë shkuar kryebashkiaku i Vlorës Dritan Leli, bordi drejtues dhe nënkryetari i bashkisë, duke i kërkuar që të lirojë zyrën.
Nga ana e tij, Shkëlqim Leskaj, ka njoftuar policinë, duke i akuzuar për uzurpimin e zyrës së tij. Sipas burimeve, Leskaj ka marrë urdhra në telefon nga Damian Gjiknuri që të mos lirojë zyrën. Si përfundim, të gjithë kanë përfunduar në komisariat, dhe beteja vijon. Policia nuk e nxjerr dot Leskajn nga zyra sipas ligjit për shkak të frikës së Gjiknurit, i cili është më pranë Ramës. SPAK vijon të bëjë sehir, duke mos hapur letrat e tenderave korruptivë, të cilët janë thelbi i përplasjeve dhe përleshjeve në Vlorë./Pamfleti
Discussion about this post