Daniel Macias donte të priste derisa ai dhe gruaja e tij, Davy Macias, të shëroheshin nga koronavirusi para se t’i vinin emrin vajzës së tyre të porsalindur. Por rreth një javë pas lindjes, nëna vdiq nga komplikimet prej Covid-19. Dhe gati dy javë pasi ajo vdiq humbi jetën dhe burri i saj. Davy Macias ishte 37-vjeç dhe Daniel Macias ishte 39 dhe lanë pas pesë fëmijë, të moshës 7, 5, 3, 2-vjeç dhe 3 javë.
Të dy janë midis më shumë se 660.000 njerëzve në SHBA që kanë vdekur nga koronavirusi. Davy Macias nuk ishte e vaksinuar sepse ishte shtatzënë, por ishte e paqartë nëse Daniel ishte vaksinuar. Familja u testua pozitive për koronavirusin pasi udhëtoi në fillim të gushtit, por ndërsa fëmijët e tyre u shëruan shpejt, simptomat e prindërve u përkeqësuan. Dhe menjëherë pas kthimit nga udhëtimi, ata të dy u dërguan në spital dhe u vendosën në njësinë e kujdesit intensiv.
Davy Macias ishte 32 javë shtatzënë dhe “optimiste” për shërimin e saj kur u shtrua në spital në fundjavën e parë të gushtit. Por nëna në pritje ishte e intubuar dhe kurrë nuk e takoi vajzën e saj kur lindi me operacion cezarian më 18 gusht. Daniel Macias u takua vetëm me fëmijën e tij të pestë pak para se të intubohej rreth tre ditë pas lindjes së saj. Vajza e tyre tashmë 3 javëshe mbetet pa emër.nbc
Discussion about this post