E rëndë, gjendet i pajetë 39-vjeçari në Tiranë, prej dy ditësh i zhdukur

Një 39-vjeçar është gjetur i pajetë ditën e sotme në Tiranë. Mësohet se personi është gjetur në vendin e quajtur “Kodrat e Selitës”.

Burime nga Policia bëjnë me dije se shtetasi me iniciale R. Ç., 39 vjeç, ishte larguar nga shtëpia dy ditë më parë.

Në trupin e viktimës nuk janë konstatuar shenja dhune, ndërsa Policia po punon për zbardhjen e rrethanave të ngjarjes.

“Në vendin e quajtur “Kodrat e Selitës” është gjetur pa shenja jete dhe pa shenja dhunë shtetasi R. Ç., 39 vjeç, i larguar nga banesa me datë 14.09.2021. Punohet për sqarimin e plotë e rrethanave të ngjarjes”, thuhet në njoftimin e policisë.