Detaje tronditëse nga vrasja e 23-vjeçares në Fier: E reja është qëlluar me 7 plumba, më pas i shoqi gjuajti në ajër dhe…

Detaje të tjera tronditëse dalin në dritë nga vrasja e 23-vjeçares Sabrina Bengaj, nga i shoqi i quajtur Etlon.

Gazetarja Dorjana Bezat, nëpërmjet një lidhjeje direkte me studion e emisionit “Me Zemër të Hapur” të gazetares Evis Ahmeti, tha se viktima është qëlluar me 7 plumba në pjesën e kraharorit.

Ndërsa sipas saj, i shoqi, më pas ka qëlluar në ajër, para se të largohej nga banesa në drejtim të një zone rurale, ku dhe u arrestua.

“Ajo ka marrë 7 plumba në pjesën e kraharorit. Eltoni më pas, nga informacionet që kam, ka qëlluar në ajër dhe është larguar”, tha gazetarja.

Ndërkohë, babai i vajzës, në një prononcim për emisionin “Zemër të hapur”, tha se nuk pranon ngushëllime nga familja e ish dhëndrit dhe e gjitha që kërkon është të vendoset drejtësi, ose në të kundërt paralajmëron vetëgjyqësi.