Dënimi i Llallës, reagon Yuri Kim: Askush s’është mbi ligjin! Të vazhdohet me zyrtarët e tjerë, sado të lartë apo të fuqishëm

Ambasadorja e SHBA në Tiranë, Yuri Kim ka reaguar pas vendimit të GJKKO për dënimin me dy vite burg të ish-kryeprokurorit Adriatik Llalla.

Kim thotë se është mirë të shohësh drejtësinë që jepet ndaj zyrtarëve të korruptuar. Diplomatja amerikane thotë se prokurorët shqiptarë duhet të vazhdojnë të godasin zyrtarët që shpërdorojnë detyrën, sado të lartë apo të fuqishëm të jenë.

“Është mirë të shihet drejtësia e vënë kundër zyrtarëve të korruptuar. Prokurorët duhet të vazhdojnë të ndërmarrin veprime kundër zyrtarëve – pa marrë parasysh sa të lartë apo të fuqishëm – të cilët keqpërdorin pozitën e tyre për t’u pasuruar. Askush nuk është mbi ligjin”, shprehet ambasadorja Kim.