Bujar Nishani /Ja rruga që duhet të ndiqet për të shkarkuar Lulzim Bashën

Ish-Presidenti Bujar Nishani ka shpjeguar mbrëmjen e sotme se si mund të shkarkohet kryedemokrati Lulzim Basha.

Ai tha se fillimisht duhet që anëtarësia të mbledhë Kuvendin Kombëtar, me këtë të fundit që duhet të ndryshojë statutin për të rikthyer Referendumet në PD. Sipas tij, vetëm me anë të Referendumit mund të vijë shkarkimi i kryedemokratit.

“Së pari duhet të shikohet se çfarë hapësirash jep statuti. Statuti për shkarkimin e kryetarit ka vetëm anëtarësia. Nuk e shkarkon dot as Kryesia, Këshilli apo Kuvendi Kombëtar. Por çfarë ka bërë Lulzim Basha? Basha në Kuvendin e fundit Kombëtar ndryshoi statutin duke hequr edhe mundësinë e Referendumit. Por Kuvendi Kombëtar mund ta rivendosë këtë të drejtë. Mjafton 1/5 e Kuvendit që të iniciojë kërkesën për rikthimin e Referendumit, ndërsa duhet “50% + 1” për të nisur Referendumin”, tha Nishani.