Ish-Kryeministri Sali Berisha e cilësoi Edi Ramën një vasal të Beogradit. Ai tha se Rama po zbaton këshillat që merr si argat nga Beogradi lidhur me Kosovën. Gjithashtu Berisha në emisionin “Now” në Euronews Albania, tha se ndërmjetësi mes Ramës dhe Aleksandër Vuçiç është Baton Haxhiu, ose Stanishiq, sikundër e quan ish-kryeministri.
“Edi Rama ka qenë armiqësor ndaj Ibrahim Rugovës. Detyroi deputetët e LDK-së të dalin nga Parlamenti. Ka qenë armiqësor ndaj Ramush Haradinajt.
Nuk kemi të bëjmë me një qëndrim Rama-Kurti, por me një qëndrim prej vasali të Edi Ramës ndaj Beogradit.
Edi Rama është një antishqiptar i paskrupullt. Ai zbaton këshillat që merr nga Beogradi. Ndërmjetësi midis Ramës dhe Vuçiçit është Baton Stanishiqi. Ai është argat.
Ai ja sjell të gjitha qëndrimet. Edi Rama s’mban dot qëndrime të tjera. Ky përpiqet me çdo kusht të fshehë vasalitetin ndaj Vuçiçit. Ç’pune ke ti t’i tregosh Kosovës të marrë apo jo afganë? Kosova është e pavarur. Kjo mjafton për çdo shqiptar.
Rama dhe Vuçiç janë dy gangsterë që po cënojnë paqen në Ballkan”, tha Berisha.
Discussion about this post