Sali Berisha ka mbërritur në qytetin e Fierit i rrethuar nga mbështetës të tij demokratë, për të vijuar me nismën “Foltorja”, për t’u takuar me bazën e PD-së.
Berisha është pritur nga kryetari i degës dhe deputeti i PD, Luan Baçi teksa e ka shoqëruar nga Tirana deputeti tjetër, Flamur Noka.
Kjo është foltorja e dytë që mban Berisha pas asaj të Tiranës. Ai ka nisur një tur takimesh për të bindur demokratët kundër vendimit të Bashës për ta përjashtuar nga grupi parlamentar.
Berisha e konsideron Bashën si ish-kryetar të PD teksa kërkon një referendum brenda PD, ku të jetë anëtarësia që të shprehet për vendimin e përjashtimit të tij nga grupi parlamentar i demokratëve.
Në sallën ku po zhvillohet takimi, ka një prezencë të konsiderueshme të demokratëve, që e kanë pritur Berishën me ovacione dhe thirrjet “Rama ik, Basha ik”.
Discussion about this post