Arrestohet shqiptari në Itali, gjatë një kontrolli në banesë iu gjet 8 kg kokainë

Një shqiptar ka rënë në prangat e policisë italiane, pasi akuzohet për trafikim të lëndëve narkotike.

Bëhet me dije se pas një kontrolli, policia në banesën e shqiptarit, identiteti i të cilit nuk bëhet me dije, ka gjetur 8 kg kokainë e konfeksionuar në 7 pako nga 1 kg dhe 1 kg tjetër u gjetën në një qese me 6 pako të vogla gati për tregtim.

Shqiptari kishte vetëm pak kohë që kishte shkuar në itali, por shumë shpejt kishte rënë në vëmendje të policisë italiane.

Dyshohet se shqiptari është një trafikant i nivelit të lartë me lidhje direkte me narkotrafikantët përtej Atlantiku.