Ambasadore, ky Parlament është plot milionerë e antiamerikanë !!

Panorama është e zezë në këtë Tempullin e Zi. Janë bashkë dhe po aktrojnë. Kanë frikë!

Parlamenti ka shumë Sali Berisha. Dominojnë aty pasanikë dhe persona problematikë, krejt si tek drejtësia. Madje nuk është as Parlament, as Kuvend. Ajo ngrehinë është Tempull, ku më të “fortët”, vagabondët me sundim despotik, kanë bërë ligje gjysmake, kanë çuar shoqërinë indietro, sa asnjë i ri sot, nuk e gjen veten në vendin e vet, por ka qëllim të jetojë diku tjetër.

Ka filluar një lëvizje e ç’organizuar anti-hajdute. Kërkohen rrugët drejt ndryshimit.

Ndaj janë nxirë ata pasanikët e Tempullit të Turpit.

Ambasadore, e ndoqe teatrin për votimin e kryeparlamentares Lindita Nikolla?

Opozita, bëri sikur është kundër shumicës së brishtë, me vetëm 30 mijë vota më shumë. I grisi fletët dhe i lëshoi jashtë koshares. Por kryeministri i kishte marrë masat. Kishte në xhep, “rastësisht” dy qese plastmasi dhe i mblodhi.

Janë bashkë dhe po aktrojnë. Kanë frikë!

Po u këput një “unazë” e zinxhirit, zgjidhen “kafshët” e marrin përpara ‘Peshqit e Mëdhenj’.

Ç’prite e ç’bëhet?

Kjo është çështja!

Sali Berishët e politikës janë një prerje me Adriatik Llallët e drejtësisë. Ditën që ish kryeprokurori u shtrua në spital se shokët e tij ishin të detyruar nga amerikanët t’i vënë prangat, pati problem edhe Sali Berisha.

Edhe shokët e doktorit ishin në hall nga presioni amerikan. Lulzim  Basha, thuri rrjetën si merimanga avash-avash nëpër ca skuta dhe i tha Saliut se: “m’ka çu Yuri Kim me la gojën”…

Duhet të të përjashtoj, doktor. Thjeshtë rri nga bankat e fundit të Tempullit.

U nda PD nga Berisha?

Aq sa është ndarë Edi Rama nga Ilir Meta.  Vilat luksoze që i sheh gjithkush në Gji të Lalzit, në Kodrën e Diellit, Mullet, Surrel, përgjatë gjithë bregdetit dhe nëpër pikat turistike nga Veriu në Jug, u kanë bërë lidhjen e pazgjidhshme këtyre.

Kanë vjëdhur e mëkatuar bashkë dhe ndarjet i bëjnë vetëm për sytë e ndërkombëtarëve.

Sa për shqiptarët, përplasjet mes llojit, janë ngritje alergjie për gjithsecilin hajdut.

Pra, nuk beson askush në broçkulla.

Kush i beson Lulzim Bashës kur thotë se Partia Demokratike si parti proamerikane, ndahet nga Sali Berisha, një figurë e madhe dhe “proamerikane” me ‘non- grata’ për korrupsion të rëndësishëm, pengim të proceseve demokratike e vepra të tjera të rënda.

Mashtrimi është më i madh se PD-ja.

Non-gratat e PD-së, PS-së, PR-së dhe LSI-së janë politikat që përpiqen të balancojnë zhvillimet, duke shkarkuar gjithë mizoritë e hajnitë nëpër ca fjalime burokratike, jo po rrezikohet me jetë shefi i opozitës, jo po antiamerikani Flamur Noka me shumë deputetë kanë ngulur Flamurhurin antiamerikan në Parlament. e përralla alla Edi Ramë e Damian Gjiknuri.

Në fakt, Tempulli është plot hajdutë e antiamerikanë. Fatmir Mediu, i dënuar me 3.5 vjet burg në Itali, a nuk është non-grata? Po ky Flamuri i Salës, që ka dalë me Flamur antiamerikan kudo, a nuk është non-grata?

Si këta të dy, janë shumica aty, apo jo?

Panorama është e zezë në këtë Tempullin e Zi.

Ka shumë kriminelë, ka shumë pasanikë, ka shumë hajdutë, ka shumë asish që nuk nisen dot për në Amerikë, se kanë probleme.

Se është kështu, Saliu i përjashtuar nga PD, mban mandat deputeti me vota demokratësh. 

Nuk  flet Basha, as flet Rama, as askush.

Këta aktrojnë dhe vjedhin. Kështu, tërhiq e mos këput, i ndërrojnë portat e pushtetit tash 30 vjet.

Kanë ofruar në kuvend ca femra dhe ca të rinj, si esensë sipërfaqësore, por kur fut “garuzhdën në kazan”, ka hajdutë, kriminelë, përdhunues, drogmenë, milionerë që të të ikë truri.

Ambasadore, ky Parlament është plot milionerë e antiamerikanë./Pamfleti