Arrestohet nipi i Dukes, dyshohet se ka ndihmuar milionerin Turk të kriptomonedhes

Edevaldo Haxhiu, shqiptari që ndihmoi milionerin e kriptomonedhës turke, Faruk Fatih Özer gjatë arratisjes është arrestuar.

Sipas medias turke “Sabah”,  Haxhiu, nipi i Presidentit të Federatës Shqiptare të Futbollit, Armand Dukës, icili mori Özer nga aeroporti në Tiranë dhe e dërgoi në hotel, u arrestua nga policia e Tiranës në orën 00:30 gjatë mesnatës.

Mësohet se ai  nuk i ka pranuar akuzat duke u shprehur se nuk e njihte Fatih Ozerin dhe se akuzat nuk ishin të vërteta.

Megjithatë, u mësua se policia kishte shumë dëshmi se shqiptari ishte “personi që ndihmoi Fatih Özer të vinte në Shqipëri”.

Milioneri Özer u arratis nga Turqia në 20 prill dhe u strehua në Shqipëri bashkë me një server, brenda të cilit mbahen 108 milionë dollarë në kriptomonedha.